ഇന്ത്യൻ ടീമിലെ സഹതാരവും സുഹൃത്തുമായ സ്മൃതി മന്ദാനയുടെ ജീവിതത്തിലെ പ്രതിസന്ധി ഘട്ടത്തിലും കൂടെ നിൽക്കുന്ന ജെമീമ റോഡ‍്രിഗസിനെ അഭിനന്ദിച്ച് ബോളിവുഡ് സൂപ്പർ താരം സുനിൽ ഷെട്ടി. പലാഷ് മുച്ചലുമായുള്ള വിവാഹം മാറ്റിവെച്ചതിന് പിന്നാലെ സ്മൃതിക്ക് പിന്തുണ നല്‍കുന്നതിന് വേണ്ടി ഇപ്പോള്‍ നടന്നുകൊണ്ടിരിക്കുന്ന വനിതാ ബിഗ് ബാഷ് ലീഗില്‍ നിന്ന് പിന്മാറാന്‍ ജെമീമ റോഡ്രിഗസ് തീരുമാനിച്ചിരുന്നു. ഈ സാഹചര്യത്തിലാണ് സുനിൽ ഷെട്ടി വനിതാ താരത്തെ അഭിനന്ദിച്ച് രംഗത്തെത്തിയത്.
ജെമീമ ബിബിഎൽ ഉപേക്ഷിച്ചതിന്റെ വാർത്ത കണ്ടാണ് സുനിൽ ഷെട്ടി എക്സിൽ ജെമീമയെ അഭിനന്ദിക്കുന്ന ഹൃദയസ്പർശിയായ കുറിപ്പ് പങ്കുവെച്ചത്. ‘രാവിലെ എഴുന്നേറ്റയുടന്‍ ഈ വാര്‍ത്ത കണ്ടപ്പോൾ എന്റെ ഹൃദയം നിറഞ്ഞു. സ്മൃതിയുടെ കൂടെ നില്‍ക്കാന്‍ വേണ്ടി ജെമീമ ഡബ്ല്യുബിബിഎല്ലിൽനിന്ന് വിട്ടുനിൽക്കുന്നു. വലിയ പ്രസ്താവനകളില്ല, നിശബ്ദമായ ഐക്യദാര്‍ഢ്യം മാത്രം. ഇതാണ് യഥാര്‍ഥ സഹതാരങ്ങള്‍ ചെയ്യേണ്ടത്. ലളിതം, നേരായത്. ആത്മാർഥമായത്’, സുനില്‍ ഷെട്ടി കുറിച്ചു. ഇതോടൊപ്പം പത്രവാർത്തയും നടൻ പങ്കുവെച്ചിട്ടുണ്ട്.
This is bigger than the game. 🇮🇳🏏💯Jemimah Rodrigues' decision to skip the WBBL and be there for Smriti Mandhana during a tough time shows the true strength of their bond. ❤️🫂As Suniel Shetty says: Simple. Straight. Genuine. #JemimahRodrigues #SmritiMandhana #SunielShetty pic.twitter.com/zOeN0Ij8SD
നവംബർ ഒമ്പതിന് ആരംഭിച്ച ഡബ്ല്യൂബിബിഎൽ സീസണിൽ ബ്രിസ്ബെയ്ൻ ഹീറ്റിന്റെ പ്രധാന താരമാണ് ജമീമ. സ്മൃതി മന്ദാനയുടെ വിവാഹ ചടങ്ങിൽ പങ്കെടുക്കാനായി കഴിഞ്ഞയാഴ്ച ബിഗ് ബാഷ് ലീഗിൽ നിന്നും അവധിയെടുത്ത് മുംബൈയിൽ പറന്നെത്തിയതായിരുന്നു ജെമീമ. വിവാഹ ദിനത്തിൽ കാര്യങ്ങൾ അടിമുടി മാറിമറിഞ്ഞതോടെ ആസ്ട്രേലിയയിലേക്കുള്ള മടക്കം നീട്ടിവെക്കുകയായിരുന്നു. ജെമീമ മുംബൈയില്‍ തുടരുകയാണെന്നും ലീഗില്‍ കളിക്കാന്‍ തിരിച്ചുപോകുന്നില്ലെന്നും ജെമീമ അറിയിച്ചിരുന്നു.
വിവാഹ ദിവസം സ്മൃതിയുടെ പിതാവ് ശ്രീനിവാസ് മന്ദാനക്ക് ദേഹാസ്വാസ്ഥ്യത്തെ തുടര്‍ന്ന് ആശുപത്രിയില്‍ പ്രവേശിപ്പിച്ചതുകൊണ്ടാണ് വിവാഹം തല്‍ക്കാലത്തേക്ക് മാറ്റി വെക്കുന്നത് എന്നായിരുന്നു ഇരു കുടുംബങ്ങളും വ്യക്തമാക്കിയിരുന്നത്. ഇതിനിടെ സ്മൃതി, പലാഷ് മുച്ചലുമായുള്ള വിവാഹവുമായി മുന്നോട്ടുപോകില്ലെന്ന റിപ്പോര്‍ട്ടുകളും പുറത്തുവരുന്നു. വിവാഹം മാറ്റിവെക്കാന്‍ കാരണമായത് പലാഷിന്റെ വഴിവിട്ട ബന്ധമാണെന്നാണ് റിപ്പോര്‍ട്ടുകള്‍ സൂചിപ്പിക്കുന്നത്. നവംബർ 23നായിരുന്നു സ്മൃതിയും പലാഷ് മുച്ചലുമായുള്ള വിവാഹം മഹാരാഷ്ട്രയിലെ സാംഗ്ലിയില്‍ നടക്കേണ്ടിയിരുന്നത്.
Content Highlights: Suniel Shetty salutes Jemimah Rodrigues' act amid Smriti Mandhana wedding controversy